- 780 -

Ohne Jahr (1453) und Tag. Breslau.

Schreiben des Minoriten und General-Inquisitors Johannes de Capistrano an den liegnitzer Bürger Johann Schober und seine Gattin Agnes, worin er sie als Wohlthäter des Ordens des heil. Franciscus der Wohlthaten dieses und des Ordens der heil. Clara theilhaftig erklärt.

Prouido viro Johanni Schober ciui Legnicensi et Agneti eius legitime vxori, nec non Alexio Gregor generi suo nec non filiis et filiabus eorum presentibus et futuris pariterque parentibus germanis denique et consanguineis affinibus ac ceterie amicis eorundem ordinis seraphici patris nostri Francisci benefactoribus deuotissimis frater Johannes de Capistrano minorum minimus heretice prauitatis generalis inquisitor salutem et pacem in domino sempiternam. Quamuis ex caritatis debito omnibus teneamur, illis tamen longe amplius obligamur, quorum dileccione certis beneficiorum indiciis frequencius experimus, proinde vestre deuocionis sinceritatem attendens, quam ad nostrum et prefati patris nostri Francisci geritis ordinem, veluti clara experiencia cognoui, dignum putaui et diuine acceptabile voluntati, ut ab ipso ordine prerogatiuam senciatis spiritualium graciarum. Et quia nudi temporalibus bonis caritatis vestre subsidiis dignam rependere vicem nequaquam temporaliter valemus, spiritualibus nichilominus beneficiis, prout in nostris apud dominum deum nostrum seruamus desideriis, compensare spiritualiter affectamus, eapropter ego, qui specialem auctoritatem habeo recipiendi quoscumque douotos nostri ordinis ad confraternitatem fratrum minorum de obseruancia nuncupatorum et sororum minorissarum et sancte Clare seu sancti Damiani de obseruancia nuncupatarum et eorum religiosorum de prima ordinum in partibus cismontanis, vos prefatas personas omnesque benefactores et familiares vestros, presentes pariterque futuros nec non alias virorum defunctorum ac omnes, pro quibus intenditis, ad confraternitatem nostram et ad vniuersa et singula nostre religionis suffragia in vita recipio pariter et in morte, plenam vobis participacionem omnium carismatum et spiritualium bonorum, videlicet missarum, oracionum, suffragiorum, officiorum, diuinorum, jejuniorum, abstinenciarum, disciplinarum, peregrinacionum, inspiracionum, predicacionum, leccionum, meditacionum, contemplacionum, obseruanciarum, deuocionum et omnium aliorum spiritualium bonorum tenore presencium graciose conferendo, que per fratres nostros et dictorum ordinum sorores nec non aliorum de prima siue de tercio ordine sancti Francisci in partibus cismontanis degentes operari et acceptare dignabitur clemencia saluatoris, addens instar de dono et gracia singulari, quod cum diuine placuerit voluntati de exilio instantis miserie vos vocare vestrique obitus, multo annuente domino tempore differendi, nostro fuerint capitulo nunciati, idem volo, ut pro vobis fiat officium, quod pro fratribus nostris defunctis recitatis ibidem annali ex more per totum ordinem fieri consueuit. Valeat feliciter vestra deuota et feruens caritas in Christo domino nostro in eternum amen. Datum Wratislauie.

O. d. St. L. No. 425. An röthlicher Seidenschnur das Spitzsiegel mit dem auffahrenden Christus in rothem Wachs.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866